Senior Prom Reunion, dinagsa ng mga artista

ni Pilar Mateo

PARA kay Manay Ichu (Marichu Vera-Perez Maceda), ang naganap na Senior Prom Reunion niya sa renovated na Sampaguita Gardens ang pinaka-mahirap na event na nai-mount niya sa tanang buhay niya.

Nagsimula lang naman ito nang makausap niya si former President and now Manila MayorErap Estrada for a reunion ng lahat ng stars during his time, lalo na ang mga naging leading ladies niya mula dekada ’50 to the present.

Payag naman ang butihing Mayor na maituturing ding haligi ng industriya kaakibat ang bestfriend niyang si FPJ na nauna ng umakyat sa heaven.

And it was done. Mahigit 100 bituin ng sari-saring dekada ang sabi nga eh, bumaba mula sa langit-langitan ng celluloid world—eldest and now in a wheelchair, Madame Mila del Sol(mother of Jeanne Young) at ang pinakabata ‘ata sa kanyang naging leading ladies eh, ang Comedy Queen na si Ai Ai delas Alas.

Present sina Quezon City Mayor Herbert Bautista and dad Butch, Niño Muhlach and sonAlonzo, Roderick Paulate, Kuya Germs, Maricel Soriano, Eva Eugenio, Caridad Sanchez, Elizabeth Ramsey, Maggie dela Riva, Lilia Dizon, Liberty Ilagan, Ms. Helen Gamboa with Senator Tito Sotto, Romeo Rivera, Pepito Rodriguez, Eddie Garcia, Phillip Salvador, Pilita Corrales, Ernie Garcia, Eddie Gutierrez with wife Anabelle Rama, Dulce…and the list just goes on and on…

Ang highlight eh, ang masinsinang pag-uusap nina Mayor Erap at Guy sa isang mesa nang magsimula nang mag-uwian ang iba at magkantahan na ang mga guest. Naging playful na naman si Bulilit sa kanyang Erap na noong una eh, hinahampas-hampas pa niya sa braso habang bini-biro-biro siya nito.

Ayon sa binigyan ng tribute sa reunion na ito, sana nga raw eh, maulit itong muli. Masaya nga raw na muling makita at makasama ang mga naging kapamilya, kapuso at kapatid niya in all his years in the business.

“Wala na ang bestfriend ko. Wala na si Vic Vargas. Pati si Bernard Bonnin. Nakaka-miss din, eh.”

Samantala, nakita rin namin itong nanood ng premiere ng baptism of fire ng kanyang apong si Julian Estrada sa pelikula nitong Relaks, It’s Just Pag-Ibig with Sofia Andres and Iñigo Pascual.

There was a point na nainip ito sa paglabas ng apo sa screen pero sulit na sulit naman ang happiness nang masilayan na niya ang tiniliang kaguwapuhan at performance nito.