Juday, atat nang makasama si Ate Vi!

ni Timmy Basil

OO nga ano? Halos lahat pala ng sikat na senior stars ay nakasama na ni Judy Ann Santos. From Fernando Poe Jr., Maricel Soriano, Nora Aunor, etc., etc.  pero never pa niyang nakatrabaho ang kanyang idolong si Batangas Governor Vilma Santos.

Ang sabi ni Juday, gusto niyang makasama si Ate Vi sa isang drama movie.

Aba, pihadong umaatikabong aktingan ito ‘pag nagkataon.

Pero teka, hindi sinabi ni Juday kung sa mainstream ba o sa indie film niya gustong makasama si Ate Vi.

Kasi ‘di ba, nag-i-indie na rin si Ate Vi, remember ‘yung pelikula niyang Ekstra?

At si Juday naman, nauna  nang nag-indie kung hindi n’yo pa alam. Five or six years ago, ginawa ni Juday ang pelikulang Ploning na ang principal photography ay ginawa sa Palawan. Si Juday mismo ang producer nito.

So, it doesn’t matter siguro kung sa  indie or sa mainstream movie niya makakasama si Ate Vi.

Naku, titingnan natin kung sino ang unang producer na kakagat.

Kung wala man, baka puwedeng si Juday na lang mismo at magbalik-producer ulit siya ng pelikula, hehehehe.