HATAW! D'yaryo ng Bayan hatawtabloid.com
WALANG pinalitang endorser si Ejay Falcon! Ito ang iginiit ng UniSilver Time nang dumalo kami sa contract signing ng aktor noong Friday sa Pan Pacific Hotel.
Ayon kay Ms. Rosiebeth Padua, Public Relations Manager ng UniSilver time, additional endorser si Ejay at isa na siyang Timebassadors. Bale 15 months ang pinirmahang kontrata ni Ejay sa UniSilver Time.
“Personal choice si Ejay ng management as one of our endorsers. Namimili rin kasi ang UniSilver Time ng mga endorser na kukunin,” sambit pa ni Ms. Rosiebeth.
Happy naman si Ejay sa pagkakakuha sa kanya ng UniSilver dahil dagdag na ito sa dumarami niyang ineendosong produkto. Kasabay ng contract signing ang photo shoot ni Ejay kasama ang iba pang endorser nito. “Feeling ko, bukod sa pagiging wholesome, isa rin sa dahilan kung bakit nila ako kinuha ay ‘yung pagiging sporty ko. May pagka-athletic din kasi ako eh. Nagba-basketball ako, nagba-boxing ako, halos lahat ng sports sinasalihan ko. Eh,’yung watches nila, parang mga ganoon, may pagka-athletic ang dating,” giit naman ni Ejay.
Sa pakikipag-usap namin kay Ejay, naikuwento rin nitong may bago na siyang seryeng uumpisahan para sa ABS-CBN. Makakasama niya raw dito sina JC De Vera at Ellen Adarna.
Aniya, may pagka-sexy ang tema ng teleserye kaya naman mayroon silang sensuality workshop.
Nakatapos na rin siya ng isang indie movie na ang tile ay Sa Ngalan ng Anak with Phillip Salvador, Nash Aguas, Paul Salas at iba pa, mula sa direksiyon ni Toto Natividad.
ni Maricris Valdez Nicasio
