HATAW! D'yaryo ng Bayan hatawtabloid.com
SUGATAN ang isang delivery boy makaraan hatawin ng baril sa mukha ng isa sa dalawang holdaper na sakay ng motorsiklo sa Malabon City kamakalawa ng gabi.
Kinilala ang biktimang si Jovencio Latorza, Jr., 22, delivery boy ng Ximex Delivery Express, at residente ng Libis Canumay, Valenzuela City.
Patuloy ang imbestigasyon ng mga awtoridad upang matukoy ang pagkakakilanlan ng mga suspek na mabilis na tumakas.
Sa ulat nina SPO1 Jerry dela Torre at PO2 Benjamin Sy, naganap ang insidente dakong 7:50 p.m. sa Mabolo St., Brgy. Maysilo, Malabon City.
Naglalakad ang biktima sa naturang lugar nang biglang huminto sa likuran niya ang dalawang suspek na armado ng patalim at baril.
Ngunit pumalag ang biktima kaya pinalo siya ng baril sa kanyang mukha ng isa sa mga suspek at mabilis na tumakas.
(ROMMEL SALES)
