Baril nakalabit ng sekyu, 3 sugatan
NAGA CITY – Sugatan ang tatlo katao makaraan aksidenteng makalabit ng isang security guard ang kanyang baril sa Legazpi City kamakalawa.
Kinilala ang suspek na si Raymond Brusola, gwardiya ng isang gasoline station.
Nag-a-unload ng bala ng kanyang service firearm na shotgun si Brusola pasado 8 p.m. nang aksidenteng makalabit ang gatilyo ng baril. Bunsod nito, tinamaan ng bala sa likod, paa at binti ang tatlong mga kustomer ng nasabing gasolinahan, kabilang na ang dalawang menor de edad. (BETH JULIAN)
