HATAW! D'yaryo ng Bayan hatawtabloid.com
ni Roland Lerum
TALIWAS sa tsismis na matagal na silang live-in partners ni Billy Crawford, nilinaw ni Coleen Garcia na ngayong July 23, 2014 lang sila nagkikitang palagi. Nasa It’s Showtime silang dalawa bilang host sa sandamakmak na host ng show. Pagkatapos ng show magkasamapa rin sila. Hanggang sa pagtulog pa ‘yon. Parang mag-asawa na nga sila na wala lang kasal ganoon ba ‘yon?
Pero ang totoo, naggagamitan lang silang dalawa. Ginagamit ni Coleen si Billy para sa kanyang career. Hayan nga at napasok na siya sa isang noontime show na mainstay si Billy. Ginagamit naman ni Billy si Coleen bilang pamasak-butas sa nang-iwan sa kanyang si Nikki Gil at makabawi sa nagdududa sa kanyang gender.
Bagay nga silang dalawa kung tutuusin.
BIKTIMA NG MV PRINCESS OF THE STARS, WALA PA RING KATARUNGAN
ILANG taon na ring walang katarungan sa mga pamilya ng mga nangamatay sa lumubog na barko ng Sulpicio Lines, Inc., ang MV Princess of the Stars. Hawak ni Atty. Persida Acosta ang kaso laban sa nasabing barko at may-ari nito, si Edgar S. Go.
Imbes na pumabor sa mga nabiktima, kinatigan pa ng DOJ ang may-ari ng barko. Ginawa ring civil case na lang ang habla laban sa Sulpicio.
Kuwento ni Atty. Acosta, “Sabi sa akin ng mga pamilya ng mga biktima, hindi pera ang habol nila rito kundi katarungan.”
Nilapitan na ng abogada ang mga kaibigan niya sa entertainment press para lalong kuminang ang kaso at mag-alab ang hustisya. Sabi niya sa presscon ng ginanap sa PAO, kamakailan, “Kapag sinimulan ko, tatapusin ko at kaagapay ko kayo.
Naging close si Atty, Acosta sa press mula nang magkaroon ito ng show sa TV5 at maging kolumnista sa ilang tabloids. Hangad namin na mabigyan ng katarungan ang mga biktima ng lumubog na barko.
