Manilyn, mabait kaya sunod-sunod ang blessings

ni Rommel Placente

ISA lang si Manilyn Reynes sa mga artista natin na hindi nawawalan ng trabaho. Bukod sa kanyang mga out-of-town and out-of-the country shows ay tatlo ang regular shows niya sa GMA 7.

Sabi namin kay Manilyn noong makita namin siya ay masuwerte siya dahil lagi siyang may trabaho. Ang reply niya sa amin ay, “Mabait lang sa akin ang Diyos.”

Tama, mahal lang talaga ni Lord si Manilyn kaya hindi siya Nito pinababayaan. Mabait naman kasi ang singer/actress kaya naman sunod-sunod ang blessing na ibinibigay sa kanya ng nasa Itaas.