HATAW! D'yaryo ng Bayan hatawtabloid.com
ISANG bangkay ng lalaki na pugot ang ulo, naka-brief lamang at nakasilid sa isang sako ang natagpuan sa madamong lugar sa Sta Ana, Pampanga, kamakalawa.
Sa ulat ng Sta. Ana PNP, ang bangkay ay nakita ng predicab driver na si Rufino Timbol, na nakalagay sa maruming sako, sa madamong lugar sa barangay Sto. Rosario, dakong 6:45 a.m.
Ayon kay Timbol, napansin niya ang malaking sako na may bahid ng dugo kaya nilapitan niya at siniyasat.
Tumambad sa kanya ang naaagnas nang katawan ng lalaking pugot ang ulo at nakasuot lamang ng brief. Wala rin nakitang ano mang mapagkakakilanlan sa biktima.
May teorya ang pulisya na pinaslang sa ibang lugar ang biktima at itinapon sa lugar upang iligaw ang imbestigasyon. (RAUL SUSCANO)
