HATAW! D'yaryo ng Bayan hatawtabloid.com
USAP-USAPAN ang malaking pagbabagong magaganap ngayong Agosto ng top-rating master teleserye ng ABS-CBN, ang Ikaw Lamang sa pagpasok ng mga bagong karakter na bibigyang buhay ng ilan sa pinakamahuhusay na aktor sa bansa.
Kung tinutukan daw ang mga pangyayari sa Book I, tiyak na mas kalulugdan ang mga magaganap sa Book 2 dahil nadagdagan pa ng malalaking artista at katauhan ang Ikaw Lamang. Matapos gampanan ang mga karakter nina Samuel at Isabelle, ipagpapatuloy ng grand slam Best Actor of the Year na si Coco Martin at 2014 Yahoo! Actress andCelebrity of the Year Kim Chiu ang kuwento ng Ikaw Lamang bilang ang susunod na henerasyon ng pamilya Hidalgo at Severino na sina Gabriel at Andrea.
Makakasama pa nila ang 2014 FAMAS Best Actress na si KC Concepcion, na gaganap bilang ang nakatatandang kapatid ni Andrea na si Natalia, ang sinasabing bagong maldita at hahadlang kina Kim at Coco.
Simula ngayong Agosto, mapapanood din ang seasoned actors na sina Amy Austriabilang Isabelle, Joel Torre bilang Samuel, Rio Locsin bilang Lupe, Nonie Buencaminobilang Calixto, at Christopher de Leon bilang Franco.
Sa paglabas ng mga seasond actor na ito, lalong kapana-panabik ang kanilang pagsasagupa. Kabilang din sa bagong cast members sina Smokey Manaloto, Arlene Muhlach, Jojit Lorenzo, Alora Sasam, at Mylene Dizon.
Sa totoo lang, mula nang umere noong Marso ang Ikaw Lamang, gabi-gabi nang namayagpag ito sa national TV ratings dahil sa nakakikilig na istorya ng pagmamahalan nina Samuel at Isabelle. Mabibigyang katuparan na ba sa kasalukuyan ang pag-ibig na hinadlangan ng nakaraan?
Ang Ikaw Lamang ay ay obra ng Dreamscape Entertainment Television at idinidirehe nina Malu Sevilla, Manny Palo, at Avel Sunpongco. Sa mga bagong actor na nasali, tiyak na mas kapana-panabik pa ang mangyayari kaya huwag palampasin ang Ikaw Lamang, gabi-gabi, pagkatapos ng Hawak Kamay sa ABS-CBN Primetime Bida.
mari
