Jed, pinoproblema ang hindi pagtili ng mga girl ‘pag kumakanta siya

ni Roland Lerum

KINAUSAP na nina Angelica Panganiban at John Lloyd Cruz si Jed Madela na maging wedding singer nila pero hanggang ngayon ay wala pang tiyak na petsa kung kailan sila ikakasal.

Si Jed ay tuwang-tuwa naman sa anyaya ng dalawa na kumanta sa kanilang kasal. May dalawang pairs pa raw na kinontrata siya para maging wedding singer nila. Problema ni Jed ngayon, kahit maganda ang boses niya, wala pa siyang kanta sa kanyang recording na nag-hit at mag-a-identify sa kanya bilang singer. Hindi rin daw siya tinitilian ng mga girl kapag umaawit siya sa stage. Bakit nga ba?