HATAW! D'yaryo ng Bayan hatawtabloid.com
NAGLULUKSA ang pamilya ng isang magsasaka makaraan pagbabarilin ng kapwa magsasaka nang magkainitan sa pag-aagawan ng irigasyon sa bayan ng San Nicolas, Pangasinan kamakalawa.
Kinilala ang biktimang si Feliciano Andres, residente sa Brgy. Siblot, habang ang suspek ay si Nicomedez Sabinay, 40, residente sa Brgy. San Jose, ng nabanggit na bayan.
Isinuko sa himpilan ng pulisya ni Atty. Eustaquio R. Suyat, may-ari ng palayan, ang suspek upang panagutin sa ginawa niyang krimen, ayon kay S/Insp. Asterio Dismaya, deputy chief ng San Nicolas Police Station.
Inamin ng suspek na binaril niya si Andres dahil ina-gaw ang daloy ng patubig na papunta sana sa tanim niyang palay kay Suyat.
Dagdag ng suspek, napundi na siya sa biktima dahil palaging inaagaw sa kanya ang patubig para sa palayan.
Namatay noon din ang biktima sanhi ng tama ng bala sa ulo at katawan.
(JAIME AQUINO)
