HATAW! D'yaryo ng Bayan hatawtabloid.com
ni Roldan Castro
NAKATUTUWA naman na may bagong serye si Valerie Concepcion sa GMA 7. At least, hindi lang sa work happy kundi maging sa boyfriend niyang future doctor. Nakita na namin ito nang minsang masalubong namin sila sa isang mall at may hitsura ang naturang doctor.
Mukhang nakakasundo rin ng anak niyang si Fiona ang bf niya. Komportable si Fiona na sumama sa kanya at kahit silang dalawa lang ang mag-mall.
Paano kung mag-propose na ito ng kasal?
“Agad-agad? ‘Di ba kapag ganoon, engagement lang naman muna. Right now, hindi pa. Next two to three years siguro,” deklara ni Valerie.
Gusto rin tapusin ni Valerie ang pag-aaral niya bago mag-asawa. Nag-enroll siya ng kursong Marketing sa AMA, Project 8. Gusto raw niya na maging proud ang anak niya na nagpilit siyang maka-graduate.Gusto niyang maging inspirasyon siya ni Fiona. Bukod dito, ayaw din niyang mapag-iwanan na magiging future doctor ang boyfriend niya at siguradong ang mga friend nito ay tapos din sa pag-aaral.
“Ayoko na mamaliitin ako even the family. Iba pa rin siyempre ‘yung nakapag-aral ka,” sambit pa niya.
Oo nga naman!
