Vendor utas sa jaguar na iritado sa aso

BINARIL at napatay ng isang gwardiya ang isang vendor dahil lamang sa pag-aaway sa pagpapaalis sa alagang aso ng biktima na nasa harapan ng binabantayan gusali sa Pasay City kahapon ng umaga.

Patay bago idating sa San Juan De Dios Hospital ang biktimang si Danilo Simeon, 46, may asawa, ng 123 M. Acosta St., Pasay City sanhi ng tama ng bala sa katawan.

Tinutugis ngayon ng pulisya ang suspek na si Eduardo Villareal, guwardya ng Kislap Security Agency na nakatalaga sa Building 1, panulukan ng M. Acosta St., at F.B. Harrison ng nasabing siyudad.

Naganap ang insidente dakong 5:25 am sa harapan ng isang tindahan ng sapatos sa gusali na binabantayan ng gwardiyang suspek.

Nagtitinda ang biktima sa harapan ng binabantayang gusali ng suspek at sinabihan nito ang biktima na tanggalin ang alagang aso sa harap ng gusali dahil nakaiistorbo sa mga kustomer na pumapasok.

Hindi pinakinggan ng biktima ang sinabi ng suspek na alisin ang alagang aso kaya sila ay nagtalo.

(JAJA GARCIA)