Mga sangkot sa pork scam mag-resign na kayo!

FOR delicadeza, dapat magbitiw sa puwesto itong goverbnment officials at mga politiko na sangkot sa multi-billion pork barrel fund scam.

Si Pangulong Noynoy Aquino, na iniluklok natin dahil sa kanyang pangakong “tuwid na daan” at ipinagsigawang “kung walang korap, walang mahirap”, ang mismong dapat unang maglinis sa kanyang bakuran.

Oo, sa nalalabing 24 months ni PNoy sa Malakanyang, ngayon nya ipakita sa madla ang kanyang malinis na pamamahala sa bansa. Alisin nya na ang mga miyembro ng kanyang gabinete na sangkot sa pork scam tulad nina Budget Secretary Butch Abad, Executive Sec. Paquito Ochoa, Agriculture Sec. Proceso Alcala, TESDA Director Joel Villanueva, ERC Chairman Zenaida Ducut at iba pa.

Itong mga mambabatas naman na malinaw pa sa sikat ng araw na sangkot sa katiwalian sa pagpadaloy sa kanilang pork barrel sa mga pekeng foundations partikular kay Janet Napoles, for delicadeza ay mag-resign na!

Maawa naman kayo sa ating bansa. Nakahihiya na kayo sa madlang people. Sobrang kakapal na ng inyong mga mukha! Grabeng kapit-tuko na kayo sa kapangyarihan. Mga yawa gid!

Senador Jinggoy, Senador Enrile, Senador Revilla… ano pang hinihintay n’yo? RESIGN NA!

Ombudsman Conchita Morales, ma-dam… napakabagal naman yata ng imbestigasyon nyo sa pork scam ba yan? May paper trail naman po ito e. May perang lumabas mula sa kaban ng bayan. May tumanggap. Saan ito dinala at sino-sino ang nakinabang. Sa tamang project nga ba napunta o sa bulsa ng mga taong sangkot. Ganun lang naman ang magiging takbo ng imbestigasyon dito e. Bakit ang tagal, Ombusman?

Justice delayed, justice denied! Boom… buking!!!

Brgy. official sa Sampaloc

promotor ng mga ilegal

– Mr. Venancio, report ko dito sa aming barangay, sa Brgy. 555 Zone 55, Sampaloc, Manila, ang promotor dito ng mga inuman at bookies ng karera ay ang isang barangay kagawad na si Sarno. Grabe po ang mga iligal dito sa lugar namin. Lantaran ang mga iligal na sugal. Walang aksyon na ginagawa ang aming tserman na si Santos. Kinukunsinte niya ang maling gawain ng kanyang kagawad. Sana maaksiyunan ito ng City Hall o DILG. Huwag nyo nalang po ilabas ang numer ko, pag-iinitan nila ako. – Concerned citizen

Yan ang sinasabi ko paulit-ulit nung eleksyon ng barangay na iboto ninyo ang kandidato na walang bisyo at malinis ang pagkatao. E, ang tigas ng ulo ninyo, ibinoto ninyo parin ang lasenggero at iligalista, kaya ayan… hanggang 2016 kayong magtitiis sa ganyang barangay official.

Cash for work sa Biliran

gamit sa politika

– Mr. Venancio, dito sa aming bayan ng Biliran province ang Cash for Work dito ay pinili lang. Ang nakakatrabaho lang dito ay mga tauhan ng mayor. Si Mayor Casil lahat puro pamulitika ang pakataran dito. Suspindedo raw ito pero nag-oopis. Sana matulungan ang mga walang trabaho dito sa Biliran. Huwag lang ilagay ang number ko baka ipatudas ako. Thanks. – Concerned citizen ng Biliran

O, Mayor Casil, anong say mo? Paki-explain po sa mamamayan mo ang isyung ito.

PNP luwagan n’yo

ang lisensya

at PTC ng baril

sa brgy. officials

– Mr. Venancio, isa po akong barangay official. Nag-text ako sa inyo sa dahilang nakababahala na po ang sunud-sunod na pamamaslang sa mga kasamahan namin na halos linggo linggo ay may nalalagas sa amin. Ang concern ko po dito ay luwagan kami sa pagproseso ng license at PTC ng aming mga ligal na baril upang maipagtanggol namin ang aming mga sarili. Ang tanong ko: Kailan kami luluwagan? Pag ubos na kami, e hindi naman nila kami maprotektahan. Kaya po sana sa pamamagitan ng inyong kolum ay maipaabot ang aming hinaing. Salamat Joey, mabuhay ka! Wag mo nalang ilabas ang number ko. – Brgy official

Sang-ayon ako sa hinaing na ito ng barangay official. Kami man sa media ay hirap makakuha ng PTC. Pero tama lang din naman ang paghihigpit ng PNP sa pag-isyu ng lisensya laluna ng PTC ng baril. Kailangan sa pagkuha ng PTC ang personal appearance ng may-ari ng baril, dadaan ito sa mga eksaminasyon para matiyak na nasa maayos na pag-iisip ang isang gun holder. That’s it!

REAKSYON at REKLAMO… Sumulat sa POLICE Files!: JGV Publishing House, Inc., Leyland Bldg., Delgado St., cor 20th St., Port Area Manila Phil. Telefax 521-7015

Cell: 0919-3297810 / E-mail add: [email protected]

Joey Venancio