Aktres nadale ng basag-kotse

ARESTADO ang dalawang lalaki makaraan tangayin ang P300,000 halaga ng mga gamit pampaganda na kanilang ninakaw mula sa sasakyan ng isang actress/tv host kamakalawa ng hapon sa Caloocan City.

Kinilala ang biktimang si Giselle Sanchez, 42, ng New Manila, Quezon City .

Agad naaresto ang mga suspek na sina Roel Morales, 21, ng #165 Bayanihan St., Brgy. 152, at Manuel Madriaga, 28, ng #34 Intang St., Brgy. 155, kapwa ng Bagong Barrio ng nasabing lungsod.

Sa ulat ni PO2 Michael Olpindo, dakong 3:30 p.m. kamakalawa nang maganap ang insidente sa Macaneneng St. , Bagong Barrio. Salaysay ni Jack Rodriguez, driver ni Sanchez, ipinarada niya ang Nissan Urvan (ZDG-329) makaraan bumaba ang kanyang amo para sa isang timpalak-kagandahan sa nasabing barangay. Pagbalik niya ay nakita niyang basag na ang bintana ng sasakyan at papatakas na ang mga suspek.

(ROMMEL SALES)