PLANO ng mga lawmaker na maghain ng class suit laban kina Janet Lim-Napoles, whistleblower Benhur Luy at sa media entities na nagpalabas ng kontrobersiyal na “Napoles list.”
Ayon kay Isabela Rep. Rodolfo Albano III at kanyang mga kasamahan, hindi makatarungan na naidamay ang kanilang mga pangalan sa “Napoles list” dahil inosente sila.
Aniya, dahil sa naturang talaan ay na-divert ang atensyon ng publiko sa mga nadamay sa nasabing isyu imbes na ang sentro ng atensyon ay kay Napoles.
Iginiit ng opisyal, hindi siya naglaan ng kahit na piso mula sa Priority Development Assistace Fund (PDAF) niya sa mga bogus na NGO’s ng pork barrel queen.
Bukod kay Albano, iginiit din ni Minority leader Ronaldo Zamora at Aurora Rep. Bellaflor Angara-Castillo na hindi sila kasali sa PDAF-scam. (HNT)
