HATAW! D'yaryo ng Bayan hatawtabloid.com
ni Roldan Castro
THREE years na ang relasyon nina Zanjoe Marudo at Bea Alonzo. Paulit-ulit na lang na tinatanong kung kailan sila pakakasal. Kailan niya paplanuhin ang pagpo-propose kay Bea para lumagay na sila sa tahimik.
“Hindi ko pa pinagpaplanuhan kung paano ko siya gagawin. Kung paano ang diskarte sa mga ganyang klaseng proposal. Kasi, hindi ko pa rin nagagawa. So, hindi ko siya talaga maintindihan kung paano ko paplanuhin. Siyempre, gusto ko espesyal, ‘di ba?”tugon ni Zanjoe nang makatsikahan namin sa taping ng Banana Split: Extra Scoop.
Mabuti’t hindi nakakaladlad ang dalawa sa mga selosan.
“Nandoon lang ‘yung tiwala sa isa’t isa. At ako, nandoon lang din ang tiwala ko sa kanya, ibinibigay ko talaga,” mabilis niyang sagot.
Never daw natukso si Zanjoe sa ibang babae mula nang maging sila ni Bea. Sa sobrang busy nila, wala na rin silang time na makagawa ng ibang bagay o mapasok sa kung saan-saan man na isyu.
Buong ningning na sinasabi ni Zanjoe na 100 percent siyang loyal kay Bea.
Tungkol naman sa kasal nila, mahaba-habang proseso pa raw ‘yun. Marami pa raw siyang obligasyon at si Bea naman ay marami pang gustong gawin. Wala pa ngayon sa tamang panahon.
Kung hindi ngayon, kailan? Chos!
