ni Roldan Castro
[divider]
AMINADO si Ryan Bang na crush niya ang kasamahan sa Banana Nite na napapanod tuwing weekdays at Banana Split: Extra Scoop tuwing Sabado ng gabi na si Alex Gonzaga.
“Crush ko siyang talaga. Ang bait niya, eh. Parehas pa kami ng handler. Inaalagaan pa niya ako. Natutuwa lang ako kay Alex, sobra,” deklara niya.
Knows ba ni Alex na hinahangaan niya ito?
“Oo, siya ang nagkalat, eh. Siya ang may sabi na, ‘Crush ako ni Ryan,’” tugon ng komedyante.
Hawig daw sa ina niya sa Korea ang ugali ni Alex at mabait ito kaya nagustuhan niya.
Ano ang reaksiyon niya na parang ang gusto ni Toni Gonzaga ay friends lang sila ni Alex?
“Siyempre, para kay Ate Toni, bata pa ako, eh! At saka friends na lang kami. Alam ko naman, hindi ako gusto ni Alex, eh! Okey lang naiintindihan ko naman, siyempe kung may kapatid ka, gusto mo friends lang sila. Okey lang,” sey pa niya.
Tsuk!
