HARD TALK
ni Pilar Mateo
ANG dami na nga niyang papel na ginagampanan to live at productive life.
Producer. Director. Concert Director. Theatrical Creative. Arts Administrator. Name them.
Kaya nga lumakas na rin ang loob ng ilang dekada ng nananahan sa bayan ni Uncle Sam na si Thage Montecarlo-Krammy.
Iikot sana sa ilang key cities sa US ang heartthrobs ng kanilang panahon na sina Gabby Concepcion at Mat Ranillo III (na roon na rin nakatira). Pero sa ‘di inaasahang mga pangyayari, back-out ang Mat. Si Gabby na lang.
And this time sa October 17, 2026, sa Church of the Good Shepherd na ito solong magpe-perform in a benefit show for the said church, in Pittsburg, California.
At kinabukasan naman (October 18, 2026), magpapasaya naman sina Boobay at Tekla sa Bal Theater sa San Francisco, na nauna nang mag-perform ang tropa ng rapper na si Andrew E.
Lahat ay si Thage at ang kanyang On Center Stage Productions ang hands-on.
Ano ang dating sa kanya ng mga challenge sa pagpo-produce?
“Ate, wala pa rin palang kasiguruhan. In black and white. Naka-kontrata na. Pero may mga gulo pa rin. Mahirap. Pero ako naman, I just want to give entertainment sa mga kababayan natin here, na ‘yan pa rin ang hanap.
“’Yan nga ang goal ko, ‘di ba? To create world-class theatrical and live entertainment experiences that celebrate culture, elevate diverse voices, and inspire meaningful human connection across communities, generations and international borders. ‘Di ba? Ang ating Lea Salonga ay ilalagay na sa Hollywood Walk of Fame. Nakaka-proud.”
At sa Nobyembre naman, nakakasa naman ang mga play niya.
Sa November 21, 2026 ang Three Wheelchairs in a Row. Na comedy-musical play based on true icons inspired by resiliency. Sa Castro Theater in San Francisco featuring Vicodonia, Charity Chase and Hollota Thymes.
At sa November 17-30, 2026 with matinee shows at 4:00 p.m. naman ay ang Close Encounter with a Third Sex (Le Diva Le Femme) in the same venue in Castro.
August 28, Thage celebrated her Infinite 58th Birthday in Vallejo.
Kaya ang wish niya, “Mag-prosper these shows I am writing, producing and directing. Para mas marami pa ang matulungan at mahatiran ng kasiyahan.”
Babalik ba siya sa ‘Pinas?
“Yes! Definitely. Pero not permanently. Magdadala rin ako ng shows d’yan. Na mga foreign artist naman ang ipi-feature natin. May mga online meetings na ako with the people from Resorts World. So, baka December nandyan kami sa Pasko.”
So, tatlong Pinoy artists ang maghahatid-saya sa ating mga kababayan sa Amerika.
Ang heartthrob of his generation na si Gabby. At ang TBATS tandem of Boobay and Tekla!
Sino kaya ‘yung artist sa December 2026?
For sure kilala niyo at ang mga kanta niya!
