HATAW! D'yaryo ng Bayan hatawtabloid.com
ALAM MO NA!
ni Nonie Nicasio
INILUNGSAD ng Inding Indie Film ang isa sa kanilang bagong proyekto matapos ang contract signing na ginanap last June 7 sa Shangri-La Ortigas.
Pumirma ng kontrata si Rufina Villena Gelston bilang producer ng tatlong pelikulang nakatakdang gawin ng grupo. Kasama niya sa proyekto si Ron Sapinoso bilang writer, direktor, at founder ng Inding Indie Film, habang si Ryan Manuel Favis naman ang magsisilbing executive producer.
Ang unang pelikula ay magtutuon sa emosyonal na paghahanap ng isang ina sa kanyang nawawalang anak. Pinamagatang “Ina, Narito Ang Iyong Anak, Anak, Narito Ang Iyong Ina,” kabilang sa cast sina Jake Vargas at Inah de Belen. Inaasahan itong magbigay ng inspirasyon at pag-asa sa mga manonood.
Bilang producer, dala ni Ms. Rufina ang kanyang malawak na karanasan sa mga gawaing makatao at adbokasiya. Matagal na siyang tumutulong sa mga komunidad na nangangailangan ng suporta at pagkilala. Kabilang sa kanyang mga prayoridad ang mga PWD, neurodivergent individuals, at mga nasa laylayan ng lipunan. Aktibo rin siyang sumusuporta sa mga programang may kaugnayan sa kultura at sining. Ang pelikula ay isa pang hakbang upang maipalawak ang kanyang misyong makatulong sa kapwa.
Sa panig naman ng Inding Indie Film, patuloy nilang pinatutunayan na ang pelikula ay maaaring maging instrumento ng pagbabago. Ang organisasyon ay kilala sa pagsusulong ng mga proyektong may kaugnayan sa sining, kulturang Filipino, at mga usaping panlipunan. Sa ilalim ng direksiyon ni Sapinoso, inaasahang magiging makabuluhan at emosyonal ang bawat eksena ng pelikula. Ang kuwento ay magsisilbing paalala sa kapangyariuhan ng pagmamahal ng isang magulang. Inaasahan din na magiging malapit ito sa puso ng mga Filipino.
Malaki rin ang papel ni Favis bilang executive producer sa pagbuo ng proyekto. Siya ang katuwang sa pagtiyak na maayos na maisasakatuparan ang mga layunin ng produksiyon. Ang kanyang karanasan at suporta ay mahalagang bahagi ng kabuuang operasyon ng pelikula. Layunin niyang makatulong sa paghahatid ng isang de-kalidad na obra para sa publiko.
Isa sa mga pangunahing dahilan ng pagbuo ng proyekto ay ang pagsusulong ng iba’t ibang adbokasiya. Nais ng grupo na bigyang-pansin ang mga sektor na madalas hindi napapansin, kabilang ang mga PWD at iba pang marginalized communities. Kasabay nito, patuloy nilang isinusulong ang pagpapahalaga sa kulturang Filipino at ang kampanya laban sa VAWC. Naniniwala silang maaaring magsilbing tulay ang sining upang maipaabot ang mahahalagang mensahe sa lipunan. Ito ang puso ng kanilang misyon bilang mga filmmaker.
Sa nalalapit na produksiyon ng pelikula, inaasahang magiging matagumpay ang proyekto. Ang pagsasama nina Gelston, Sapinoso, at Favis ay nagbigay ng bagong sigla sa independent film community.
Inaasahang magiging makabuluhan ang pelikula hindi lamang bilang obra kundi bilang instrumento rin ng adbokasiya. Marami ang naniniwalang isa itong pelikulang may kakayahang magbigay-inspirasyon sa publiko.
