Bangayan nina Lotlot at Ian tumitindi

I-FLEX
ni Jun Nardo

SINASABI pa lang ang role ni Lotlot de Leon sa story conference ng gagawing movie ng LVD Management Corporation na 40 Days, naringgan na ito ng isa sa cast ng, “Walang katapusang ampom!”

Isa si Lotlot sa veteran stars na kasama sa movie under Louie Ignacio direction. Kasama niya sa cast ang iba pang veteran stars gaya nina Elizabeth Oropesa, Snooky Serna, Lloyd Samartino, at Dina Bonnevie.

Eh nang matanong si Balot tungkol sa pagluluksa, after niyang magsalita tungkol sa grieving, humingi muna siya ng dispensa sa lahat at saka naglitanya tungkol sa alitan nina biological son ni Nora Aunor na si Ian De Leon.

Galit na gali si Lotlot at isa sa binitiwang salita eh, ‘hindi ko kailangan ng mana, itigil mo na ang kasinungalingan,’ at iba pang maaangahang na salita!

Tumigil lang si Balot nang hindi na mapigilan ang hagulgol habang inaalo ng anak na si Diego Gutierrezna kasama sa movie.

Hindi nagtapos ang alitan ng magkapatid dahil sinagot ni Ian ang pasabog ni Lotlot ng, “Ikaw ang puro kasinungalingan!”

Hanggang kailan ang awayang ito ng magkapatid? Patahimikin na nila ang kaluluwa ng namayapang ina!