HATAW! D'yaryo ng Bayan hatawtabloid.com
ALAM MO NA!
ni Nonie Nicasio
SUMUSUBOK ngayon si Reina Castillo para maging isang full-time content creator. Ayon sa sexy actress, mga sexy ang content niya dahil ito naman ang image niya sa mundo ng showbiz.
Pahayag niya sa amin, “Sinusubukan ko pong maging full-time content creator as of now, but babalik din po ako sa showbiz.”
Laki sa hirap si Reina kaya todo-kayod siya para sa inaaasam niyang ginhawa sa buhay.
Pagbabalik-tanaw ni Reina, “Bale, 2020 pa lang po nag-message na sa akin ang manager kong si Mami Jojo Veloso, kaso hindi ko pa po afford pumuntang Manila since taga-province of Talavera, Nueva Ecija po ako.
“Hanggang dumating ‘yung taong 2022, naglayas po ako, nagkaroon ng trabaho at nakaluwas na rin po ako ng Manila. Then, naglakas loob akong i-chat si Mami Jojo, laking tuwa ko nang nag-reply po siya hanggang nakapasok po ako sa showbiz.
“Hindi pa rin po ako makapaniwala sa lahat, ang laki ng utang na loob ko po kay Mami Jojo at siyempre po, sa Panginoon at malaking pasasalamat ko po ito.”
Ilan sa pelikulang nagawa niya ay ang “Wanted:
Girlfriend”, “Barurot”, at “Kapag Tumayo Ang Testigo”.
Gaano kahirap ang magpa-sexy sa pelikula?
Esplika ni Reina, “For me hindi naman po madali ito, sa totoo lang, lakasan lang talaga ng loob… ang mahalaga ay mahalin lang po ang ginagawa para mas gumaan lalo ang trabaho. Mahalaga po kasi sa akin ang trabaho, e.
“Sa akin po kasi, bale, totally po hindi mo po mararamdaman ‘yung hirap kung alam mo naman pong mahal mo ang ginagawa mo at masaya ka sa kung anoman ang ginagawa mo.”
Anyway, desidido si Reina na maabot ang pangarap niyang tagumpay. At sa kanyang ganda at kaseksihan, plus sa taglay niyang lakas ng loob at determinasyon, hindi imposibleng makamit niya ang pangarap niyang ito sa buhay.
Goodluck sa iyo, Reina!
