13-anyos siklista, tepok sa salpok ng trak

PATAY ang isang 13-anyos na batang lalaki na nakasakay sa bisikleta matapos sumalpok sa nakaparadang dump truck sa Bulacan.

Sa ulat na nakarating kay Brig. Gen. Jess Mendez, Central Luzon police director, kinilala ang nasawi bilang isang Grade VII student na naninirahan sa Barangay Gabihan, San Ildefonso, Bulacan.

Lumalabas sa inisyal na imbestigasyon na sakay ng kanyang bisikleta ang biktima sa kahabaan ng M. Valte Road, Barangay Gabihan sa nasabing bayan dakong alas-7:30 ng gabi nang aksidenteng mabangga ang isang nakaparadang Shacman dump truck na may plakang NAD 6734 na sumasailalim sa pag-aayos ng gulong na minamaneho ni Juan Tagao.

Ang banggaan ay nagdulot ng nakamamatay na pinsala sa biktima na agad na isinugod sa R. De C. Galvez Medical Center para magamot ngunit kalaunan ay idineklara itong patay ng attending physician.

Ang driver ng dump truck ay inilagay sa kustodiya ng lokal na pulisya para sa imbestigasyon. (MICKA BAUTISTA)