Sue naghahanap ng baby daddy kasama si Rico sa Project B

SHOWBIZ KONEK
ni Maricris Valdez

MAY kakaibang plano si Sue Ramirez—at hindi ito ukol sa pag-ibig.

Sa upcoming romantic comedy ng Regal Entertainment na Project B, gaganap si Sue bilang isang type-A woman na gumawa ng detalyadong “project plan” para magka-baby, kabilang ang paghahanap ng ideal na “baby daddy.”

Makakasama niya rito ang OPM icon na si Rico Blanco, na sa kauna-unahang pagkakataon ay bibida bilang leading man sa isang pelikula.

Pinagsama ng Project B ang kakaibang premise at relatable themes tungkol sa modernong relasyon, career pressures, at pagbuo ng sariling pamilya—lahat nakabalot sa kilig at katatawanan.

Bukod sa fresh na tambalan nina Sue at Rico, ibinabalik din ng pelikula ang saya ng classic early 2000s romcoms—ngunit may modern twist para sa bagong henerasyon.

Sa gitna ng adulting at responsibilidad, isang paalala ang Project B: may lugar pa rin ang kilig sa buhay.

RomComs are back.