Ogie konsepto at istorya ang How To Get Away From My Toxic Family

RATED R
ni Rommel Gonzales

STORY at concept mismo ni Ogie Diaz ang kabuuan ng pelikulang How To Get Away From My Toxic Family na pinagbibidahan ni Zanjoe Marudo bilang si Arsenio.

Kuwento ni Ogie, “Nakatutuwa, kasi noong nagpa-review kami sa MTRCB, tapos binigyan kami ng PG, paglabas nila hindi pa rin sila, parang hindi pa rin sila maka-move on.

“Tapos sabi nga, kulang pa ‘yung mura ni Arsenio, kasi maiintindihan mo talaga siya kung bakit siya bumuga sa huli.

“So, hindi na namin dinagdagan pa ng mga mura, pero okay na ‘yun, ‘di ba? ‘Yung pagmumura.

“Pero siyempre pakiusap namin huwag niyo pong i-spoil ‘yung movie, para naman ma-experience rin niyong ibang gustong manood, kung ano ‘yung curiosity nila na bakit ang dami-daming pumupuri sa movie.”

Personal and only choice nila si Zanjoe na maging bida sa pelikula.

Katuwang ni Ogie ang KreativDen Entertainment na iprodyus ang pelikula.

Mapapanood ito, na artista rin sina Susan Africa, Nonie Buencamino, Sherry Lara, Richard Quan at marami pang iba, sa mga SM Cinema sa July 30, sa direksiyon ni Lawrence Fajardo.