HATAW! D'yaryo ng Bayan hatawtabloid.com
RATED R
ni Rommel Gonzales
ANG basketbolistang si Terrence Romeo ang napiling celebrity endorser ng online gaming na ABC VIP.
Paano napapayag si Terrence na tanggapin ang alok na ito sa kanya?
“Unang-una kasi, ‘yung main goal ng online gaming is makapag-inspire ng mga kabataan, makatulong, tapos magkaroon ng mga maraming charity.
“So ako personally, gusto ko maging part ng ganoong programa. Kaya ‘yun ang nagpa-yes sa akin,” lahad ni Terrence.
Pumupunta raw si Terrence sa mga outreach program nito sa iba-ibang lugar at barangay.
“Yes, yes. Actually, nagsimula kami kahapon, nag-charity kami sa Homeboys.
“Tapos nagpakain kami ng mga bata, so magandang start ‘yun para sa online game family and gusto namin na ituloy-tuloy ‘yun. So excited lang ako sa things na ‘yun,” nakangiting pahayag pa ng basketball player.
Ilang taon ding nawala sa limelight si Terrence at paliwanag niya, “Noong nawala ako sa basketball na-injured kasi ako, so maraming times na nag-therapy at nagpapagaling ako.
“Pero still, nasa PBA pa rin ako and tuloy-tuloy pa rin ako ngayon. Healthy ako ngayon, tuloy-tuloy pa rin ‘yung pagpapakondisyon ko.
“Hopefully, magkaroon pa rin ng mga panibagong chance na makapaglaro sa PBA or kung saan. Kasi last year ko ngayon, last year ng contract ko ngayong August, so kailangan kong tumingin na mga option.”
Puwede siya sa showbiz?
“Hindi yata ako marunong umakting, pero subukan ko, baka ‘pag may opportunity, ‘di ba? Or may offer.”
May naiisip ba siya na role na tingin niya ay kaya niya o bagay sa kanya?
“Hindi ko alam kung magaling akong umakting, never akong nag-try.
“Pero kung may gagawin man ako, gusto ko ‘yung sa mga action or alam mo ‘yun, parang mga kontrabida, ‘yung mga ganoon. Gusto ko ‘yun.”
Kung comedy?
“Puwede rin comedy.
“Alam ko na kung saan papunta ‘yan eh, wait-wait lang doon sa mga question, kakabalik ko lang sa ano, pero parang masyadong mainit ‘yung mga question, kakabalik ko lang ulit ng… ngayon lang ulit ako lumabas sa social media, kalmahan lang muna natin ‘yung mga question.”
Willing ba siyang magkasama sila ni Vice Ganda sa isang proyekto.
“Why not? Sino ba naman ako para tumanggi?”
Na-link noon sina Terrence at Vice.
Kumusta ang lovelife niya ngayon, masaya, makulay o wala?
“Wala.”
So open siya na makipag-date?
“Yes.”
