Arra San Agustin ginulat sa pa-birthday party ng fans

I-FLEX
ni Jun Nardo

GUMASTOS nang todo ang fans ng Sparkle artist na si Arra San Agustin na naghandog ng belated birthday celebration na parang debut last Saturday na ginawa sa isang events place sa bandang Ortigas Center.

Walang kaalam-alam si Arra sa handog ng fans base sa pahayag niya sa lahat ng dumalo.

“Kanina pagpasok ko, confused ako na para akong isang  chicken na pinalakad. Sobrang confused ako!

“Tapos, isa-isa kong nakita ang familiar faces. Hindi pa siya nagsi-sink in. Doon ako na-start ma-confused. Hindi pa siya nagsi-sink in! Puzzled ako the whole time.

“Pero gusto kong sabihin na sobrang na-appreciate bawat isa sa inyo. Every time may get together tayo, I am truly grateful and sobrang na-appreciate ko your presence, time and effort to be with me.

“Itong event na ito, hindi ito mura! I can tell na sobrang ginastusan ninyo ito. Thank you at nag-initiate kayo na sinusuportahan ninyo ako. Napakalaking bagay nito,” bahagi ng pasasalamat ni Arra sa lahat ng dumalo at nakisaya sa belated birthday gift ng fans.

Belated birthday greetings, Arra! Thanks, Angelo B!