HATAW! D'yaryo ng Bayan hatawtabloid.com
PUSH NA’YAN
ni Ambet Nabus
FINALLY ay nag-post na nga si Ellen Adarna ng mga picture ng baby nila ni papa Derek Ramsay.
Very cute, napakaganda at kitang-kita naman talaga ang magandang lahi ng mag-asawa. Mapa-proud ka naman talagang i-share ito sa madlang pipol lalo na roon sa mga supporter nila.
Hindi rin nakakgugulat if ever mang makakuha ito ng baby product endorsements dahil nga sa kakyutan.
No wonder, puring-puri ito ng mga netizen. ‘Yun nga lang, mayroon ding mga basher na akala mo ay kay gaganda.
Nope, hindi ang baby nina papa D at Ellen ang pinag-usapan nila kundi ang baby nina Maja Salvador at Rambo Nunez.
Imagine, kahit si Ellen ang nag-post ng mga picture ng baby nila ni papa D, napunta kay Maja ang pangungutya ng netizen dahil lang sa choice nitong huwag mag-share ng baby photos ng anak nila.
Naku, nakagigigil din talaga. Kung pwede lang na kami na ang magsampa ng kaso sa mga basher na akala mo naman ay may malaking pagkakautang sa kanila si Maja, ginawa na namin hahaha.
Sobrang entitled, mga pakialamera, at feeling magaganda ang bashers. Manong maghintay na lang at unawain ang choice ni Maja kung ayaw nitong i-share sa public ang pics ng anak.
Nakakalokah!!!
