HATAW! D'yaryo ng Bayan hatawtabloid.com
PUSH NA’YAN
ni Ambet Nabus
NANINIWALA kaming dapat nga sigurong inalam muna ng organizers ng Dinagyang Festival sa Iloilo City ang estilo ni JK Labajo bago nila ito inimbitahang maging guest sa okasyon nila.
Malaking bahagi kasi ng expression ng kanta ni JK ang mala-naughty, double meaning at literal na pagmumura sa kanta niya lalo sa song na Ere.
Siyempre ang generation ngayon, win na win sa kanila ang ganoong style.
Ang ending, nainsulto si mayor at ibang namumuno sa okasyon dahil anila, isang religious festivity ang Dinagyang at in-appropriate sa okasyon ang kanta ni JK.
Hinihingan nila ng public apology ang aktor-singer dahil sa pangyayari pero wala pa kaming update kung ginawa na ito ni JK.
Naalala tuloy namin si Julie Anne San Jose na kumanta ng Dancing Queen sa altar ng isang simbahan with gown na may mahabang slit at sexy. Kinastigo rin ang singer-actress dahil “inappropriate” nga ang kanta at kasuutan sa lugar ng performance.
But come to think of it, dapat nga bang ang mga performer ang sinisisi sa mga ganitong pangyayari?
