HATAW! D'yaryo ng Bayan hatawtabloid.com
MATABIL
ni John Fontanilla
HINDI na nga maawat ang pagsikat ng itinuturing na prinsesa ng GMA, si Jillian Ward sa tagumpay ng kanyang bagong serye sa Kapuso Network, ang My Ilonggo Girl katambal ang isa sa ibini-build up ng GMA 7 na leadingman, si Michael Sager.
Isa nga si Jillian sa rater ng GMA. Halos lahat ng shows na kasama o pinagbibidahan nito ay mataas ang ratings mula sa Primadonnas, Abo’t Kamay ang Pangarap, at ngayon nga ang My Ilonggo Girl na humahataw ang ratings.
At kahit wala itong permanent partner ay patuloy pa ring tinatangkilik ng publiko ang mga show. Unti-unti na ring dumarami ang mga endorsement nito.
Very versatile rin ang dalaga na mahusay umarte, kumanta, at sumayaw.
At ngayong 2025 ay maraming proyekto pa ang naka-line up mapa-telebisyon o pelikula.
