HATAW! D'yaryo ng Bayan hatawtabloid.com
Sugatan ang isang menor de edad na batang lalaki matapos mabaril ng kaniyang tiyuhin sa Brgy. Binguang, bayan ng San Pablo, lalawigan ng Isabela, nitong Huwebes Santo, 28 Marso.
Ayon sa imbestigasyon ng mga awtoridad, naglalaro ang batang biktima sa kanilang kusina dakong 7:30 ng gabi nang mabaril siya ng suspek sa kaniyang kaliwang hita.
Dinala ang biktima sa Milagros Albano District Hospital, sa bayan ng Cabagan, sa nabanggit na lalawigan, kung saan niya sinabing ang kanyang tiyuhin na kinilalang si Arman ang nakabaril sa kaniya.
Ayon sa salaysay ng mga saksi, nakita nila ang supek na paalis ng bahay na may dalang baril.
Naglunsad ang pulisya ng pursuit operation ng araw ding iyon kung saan nadakip ang suspek para sa kasong attempted homicide.
