Luis ‘binasag’ ni Sandara, sinabihang sintunado

I-FLEX
ni Jun Nardo

NAGING tampulan ng tukso si Luis Manzano nang maging guest niya sa vlog si Sandara Park.

Nang tanungin kasi ni Luis si Sandara kung bakit hindi niya ginu-guest si Luis sa concert niya, sagot ni Sandara, “Sintunado ka kasi!”

May nahanap na kakampi si Luis sa isang netizen kahapon sa Twitter  

tungkol sa boses niya. Ni-retweet ni Luis ang tweet ng netizen kaugnay ng boses niya.

“Hello! Are you bisexual? You’d bisexual voice when you sing. You’re funny too. God bless you,” tweet ng netizen.

Pagmamalaking biro ni Luis sa tweet ng netizen sa kanyang Twitter, “At least alam ko na hindi ako sintunado, bisexual voice pala ako! Alto, soprano, tenor, bass, bisexual – yan na mga vocal range ngayon.”

Kaysa mapikon kay Sandara, ginawa na lang biro ni Luis ang sinabi ng huli, huh.

Samantala, simula bukas, Sabado, mapapanood si Luis sa It’s Your Lucky Day na pansamantalang papalit sa It’s Showtime na magse-serve ng 12 day suspension mula bukas hanggang sa October 28.