HATAW! D'yaryo ng Bayan hatawtabloid.com
ni Allan Sancon
TALAGANG unti-unti nang gumagawa ng sariling pangalan ang sexy actress na si Azi Acosta dahil kapansin-pansin ang galing nito sa pag-arte sa recent Vivamax movie niyang Call Me Alma kasama sina Jaclyn Jose, Josef Elizalde, Mon Confiado, at Gold Aceron.
Puring-puri ni Direk Mac Arthur Alejandre si Azi sa galing at very natural nito sa pag-arte. Talaga naman nakipagsabayan ito sa pag-arte sa award winning actress na si Jaclyn.
Mag-ina ang role nilang dalawa rito at hindi nagpatalo si Azi kay Jaclyn sa pag-arte, lalo roon sa confrontation scene nila.
Sabi ni Azi, noong una ay nahihiya siyang kaeksena si Jaclyn dahil ang galing talaga nito at aminado siyang idol niya ang aktres. Pero noong naglaon ay naging panatag na siya kaeksena si Jaclyn dahil mabait naman ito at napaka-generous.
Inintriga rin ng press kung hindi ba nanliligaw ang kanyang leading man na si Gold sa kanya gayung single naman silang dalawa?
“Naku hindi po, we’re just friends at very close kami ni Gold since ‘Selena’s Gold’ pa,” pagtanggi ni Azi.
Ipinakita sa pelikulang Call Me Alma ang relasyon ng mag-inang prostitute na sina Sheila (Jaclyn Jose) at Alma (Azi Acosta) na pinaghiwalay ng tadhana dahil sa kahirapan ng buhay. Hanggang sa magtagpo ang kanilang landas at pinilit nilang hanapin ang ama ni Alma.
Maganda ang istorya at pagkakagawa ni Direk Mac Arthur ng pelikulang ito dahil hindi lang puro paghuhubad ni Azi ang ipinakita rito. Inilabas din ni Direk Mac ang galing ni Azi sa pag-arte. This is written by the National Artist Ricky Lee. Maraming matututunan ang mga mag-ina sa pelikulang ito. Palabas na simula September 1, 2023 only on Vivamax.
