Saturday , April 26 2025
Philippine Ports Authority PPA

Port fees ‘wag ipasa sa consumers

NAGPAALALA si Senadora Grace Poe sa pamamagitan ng paghimok sa pamahalaan na hindi dapat pasanin ng consumers ang mga bayarin at iba pang charges na ipinapatong sa shipping lines sa paggamit ng mga pantalan.

Ang paghimok ni Poe ay kasunod ng pagdinig ng Senate committee on public services na kanyang pinamumunuan kaugnay ng Senate Resolution No. 484 ukol sa iba’t ibang administrative orders na ipinalabas para taasan ang bayarin sa port fees.

Sa pagsusuri, sinabi ng senadora, “Solusyon nga ba ang mga polisiyang ito o dagdag problema lamang? Does replacing container deposits with insurance and monitoring fees protect users? If so, why are the users complaining? In creating reforms to our maritime trade, panahon na para magkaroon ng regulations sa excessive charges kasabay ng pagsuporta sa paglago ng shipping industry. Were there sufficient studies and stakeholder consultations to support these policies?”

Inilinaw ni Poe, kasama siya sa mga nagnanais na maging maayos sa pamamagitan ng modernisasyon ng sistema, “pero ayaw nating ipasa lahat sa port users at kalaunan ay sa mga ordinaryong konsumer ang mga bagong port fees.”

         “High shipping rates also worsen inflation. Lahat tayo ay maapektohan ng pagtaas ng mga produkto sa merkado,” dagdag ni Poe.

Binusisi ng komite ni Poe ang Philippine Ports Authority (PPA) ukol sa mga inilabas na administrative orders kaugnay sa introduksiyon ng Centralized Ticketing System, Prescribed Waste Reception Fees sa lahat ng PPA Ports, Mandatory Tree/Mangrove Planting, at Port Terminal Management Regulatory Framework.

Iginiit ni Poe, dapat pakinggan ng pamahalaan ang mga reklamo ng shipping industry associations at iba pang samahan na ang naturang administrative orders  ay magdudulot lamang ng pagtaas sa port charges na sa huli ay mauuwi sa dagdag na logistics costs.

Ikinatuwa ni Poe ang naging pahayag ni Department of Transportation (DOTr) Secretary Jaime Bautista, na sa kasalukuyan ay suspendido ang pagpapatupad ng digitization program ng PPA sa pamamagitan ng Trusted Operator Program- Container Registry and Monitoring System (TOP-CRMS).

Ang naturang programa ay isang sistema na gumagamit ng electronic tagging at tracking system kaya ang galaw ng mga container at port users ay naka-enrol dito.

Nanindigan si Poe, dapat tiyakin ng pamahalaan na ang logistic costs ay hindi makaapekto sa shipping industry gayondin sa consumers.  (NIÑO ACLAN)

About Niño Aclan

Check Also

DOST Region 02 Secures Licensing for Three Technologies at 2025 North Luzon Tech Transfer Summit

Region 02 Secures Licensing for Three Technologies at 2025 North Luzon Tech Transfer Summit

Baguio City — The Department of Science and Technology (DOST) Region 02 further strengthened its …

Tondo Fire

Sa Maynila
2 mataong residential areas nilamon ng higanteng sunog

TINUPOK ng dalawang malaking sunog ang dalawang residential area sa Tondo at Port Area, sa …

Arrest Posas Handcuff

Sa Marilao, Bulacan
Wanted na rapist timbog

NADAKIP sa pinaigting na manhunt operations ng Bulacan PPO ang isang lalaking nakatala bilang No. …

Anglees Pampanga PNP Police

P.2-M pabuya sa makapagtuturo sa pumatay sa turistang Koreano

NAG-ALOK ang Korean Association Community of Angeles City ng P200,000 pabuya sa sino mang makapagbibigay …

TRABAHO Partylist nanawagan magpatupad ng Safety Adaptation Plan para sa mangagawa

TRABAHO Partylist nanawagan magpatupad ng Safety Adaptation Plan para sa mangagawa

MULING nanawagan ang TRABAHO Partylist sa mga pampubliko at pribadong sektor na bumuo at magpatupad …