Martin del Rosario bibigyang buhay ang kuwento ng isang amateur boxer

RATED R
ni Rommel Gonzales

Isa na namang natatanging pagganap ang maaasahan mula kay Kapuso actor at Sparkle star Martin del Rosariosa bagong episode ng real-life drama anthology na #MPK o Magpakailanman ngayong Sabado ng gabi sa GMA.

Bibigyang-buhay ni Martin ang kuwento ni Bong, isang amateur boxer sa episode na pinamagatang Almost A Champion: The Renerio ‘The Amazing’ Arizala Story.

Isang boxing fan si Bong at mangangarap siyang maging professional boxer tulad ng idolo niyang si Pambansang Kamao Manny Pacquiao.

Para sa kanya, boxing ang mag-aahon sa kanila mula sa kahirapan.

Supportive sa pangarap na ito ang kuya niyang si Andres,(Jon Lucas). Ito pa mismo ang gagastos para sa training ni Bong.

Paano makakamit ni Bong ang kanyang pangarap? Ano kaya ang mga pagsubok na haharapin niya habang tinatahak ang daan patungong tagumpay?

Abangan ang kanyang kuwento sa brand new episode na Almost A Champion: The Renerio ‘The Amazing’ Arizala Story, March 4, 8:00 p.m. sa #MPK.

Naka-livestream din nang sabay ang episode sa GMANetwork.com, sa YouTube account ng GMA Network at sa Facebook at TikTok accounts ng #MPK.