Cassy marami nang investment na lupa

RATED R
ni Rommel Gonzales

SA isang recent interview namin kay Cassy Legaspi ay tinanong namin siya kung sino ang humahawak ng mga kinikita niya sa showbiz.

“My parents would give suggestions lang on how I can handle my money,” pagtukoy ni Cassy sa mga magulang niyang sina Carmina Villarroel at Zoren Legaspi.

“But ako po ang nagde-decide like how and where my money goes.

 “Pero siyempre when they see na, ‘Ah, parang medyo mali? Parang dapat mag-save ka muna, huwag ka muna mag-spend diyan…’

“They’ll just remind me na, ‘Sure ka? You don’t want to save that money?’

“So ako naman ‘yung, ‘Oo nga ano?’

“I’m also learning from them how to invest. I’m super new sa mga ganito-ganyan, but I’m learning from my parents.”

Sa murang edad niya, may mga investment na si Cassy sa real estate.

“It’s more on land. Kasi siyempre, when I was little, ‘yung parents ko nagha-handle ng mga investments namin.

“But as we grow a little bit older na, my parents would explain, ‘Okay, we invested your money here ha, after this commercial, we put it here.’ ‘O, bakit? Kasi chu chu chu…’

“They would also ask us naman, ‘Do you want to invest anywhere?’

Napanood si Cassy sa Sana Muling Makapiling episode ng Magpakailanman sa GMA.

Nakasama niya sina Glydel Mercado, Joyce Ching, Raquel Pareño, at Prince Clemente, sa direksiyon ni Gina Alajar.