HATAW! D'yaryo ng Bayan hatawtabloid.com
ALAM MO NA!
ni Nonie Nicasio
MAPAPASOK sa ibang klaseng sitwasyon sina AJ Raval, Angeli Khang, Kiko Estrada sa pelikulang US x Her na palabas na ngayong November 25 sa Vivamax.
Ang US x Her ay kuwento ng tatlong taong naging magulo at komplikado ang buhay dahil sa mga maling desisyon. Makikita rito ang isang unhappy wife, obsessed na kerida, at isang unfaithful na asawa. Magkakaroon ng existential crisis ang millennial couple na sina Mari (AJ) at Dave (Kiko) na magdadala ng problema sa buhay nilang mag-asawa. Si Mari na nasa late 20s, ay nagsisisi kung bakit mas pinili niya noon ang pag-ibig kaysa sa pangarap. Ang asawa naman niyang si Dave, na guwapo, matipuno at certified eye candy, ay nag-eexplore at nagkakaroon ng sexcapades kasama ang ibang babae.
Mas manganganib pa ang pagsasama nila sa pagdating ni Lila (Angeli). Isang magandang dalaga na sobra-sobra ang pagkahumaling kay Dave at payag na maging kerida at gawin ang lahat makuha lang ang pagmamahal nito. Gagawa si Lila ng plano para kaibiganin at mapalapit kay Mari para tuluyang sirain at guluhin ang relasyon ng mag-asawa, pero hindi inaasahang magbabago ang lahat dahil totoong mapapalapit siya kay Mari at mahuhulog pa ang loob nila sa isa’t isa.
Isa itong modern-day love story na ipakikita kung paano kayang baguhin ng pag-ibig ang tao. Piliin pa rin kaya niyang makuha si Dave o mas gugustuhin na niya ngayong makasama si Mari?
Ang Us x Her ay ang unang Vivamax Original Movie na mula direksiyon ni Jules Katanyag. Isang seasoned screenwriter at up-and-coming director ng iba’t ibang pelikula at TV series, nakuha niya ang una niyang writer-director award nang manalo siya ng Special Jury Prize sa 2016 Cinema One Originals Digital Film Festival.
Ang Us x Her ay kuwento ukol sa paghahanap sa sarili at sa totoong kahulugan ng pag-ibig. Kuwento na para sa lahat-sa iyo, sa akin, at sa kanya.
