Aljur at Kylie araw-araw nag-uusap para sa mga anak

MA at PA
ni Rommel Placente

AYON kay Aljur Abrenica. posible pa ring magkabalikan sila ng dating asawang si Kylie Padilla. Sinabi niya ‘yun sa one -on-one interview niya sa entertainment writer at TV host na si Aster Amoyo.

Tanong ni Aster, “But you’re not closing your doors to the possibility [of reconciliation]?”

“May nagsarado ba?” sagot ni Aljur. “‘Yung iba nga sinasabi nila wala na talaga pero mayroon pa, ‘di ba? Wala namang nakaaalam kung anong mangyayari.

“Hindi ko nga alam na maghihiwalay kami eh. Hindi ko nga alam na magkakaanak kami, ‘di ba?” aniya pa.

Isa rin sa napag-usapan nila ang co-parenting set up nila ni Kylie.

“Sa co-parenting kami nagfo-focus ngayon kasi iisipin ninyo na ‘yung mga bata eh. Almost everyday nag-uusap kami.

“Kahit hiwalay kami, we’re still learning from each other how to be a good parent.”

Sa huli, lubos na pinasalamatan ni Aljur ang fans na patuloy pa ring sumusuporta sa kanila matapos ang paghihiwalay nila ni Kylie.

Nanawagan din siya na respetuhin sana ng iba ang kasalukuyang sitwasyon nila ng anak ni Robin Padilla.

“Naa-appreciate ko ang lahat, thank you. Even though ‘yung iba nagagalit and may sinasabi sa aking masama, I appreciate that, kasi naramdaman ko ‘yung sakit nila.

“Nasaktan din naman ako, nasaktan kaming dalawa. 

“Respeto na lang kung ano ‘yung pinagdadaanan namin. Hindi naman talaga alam ng lahat kung ano talaga ‘yung nangyari.”