Sunog sumiklab sa Bataan
MAG-AMA PATAY, 14 BAHAY NATUPOK

PATAY ang isang lalaki at kanyang 20-anyos anak na babae sa sunog na tumupok sa mataong barangay sa bayan ng Orani, lalawigan ng Bataan nitong Lunes, 8 Agosto.

Ayon kay Billy Ventura, chief of staff ni Orani Mayor Efren Pascual, Jr., ang mga biktimang binawian ng buhay ay asawa at anak ng isang empleydo sa rural health unit ng naturang bayan.

Sumiklab ang sunog pasado 9:00 am kahapon at tuluyang naapula makalipas ang isang oras, ayon kay Senior Fire Officer 4 Glen Vitug ng lokal na Bureau of Fire Protection.

Ani Vitug, tinutukoy pa nila ang dahilan ng sunog na tumupok sa 14 bahay na gawa sa light materials.