Lianne inaming minsan nang nagpakatanga sa pag-ibig 

RATED R
ni Rommel Gonzales

Sa Apoy Sa Langit ay kumabit si Lianne Valentin (bilang si Stella) kay Zoren Legaspi (bilang si Cesar), sa tunay na buhay ano na ang pinaka-grabeng nagawa nito nang dahil sa pag-ibig?

 “Nagpaka-tanga! Lahat naman po tayo nagiging tanga dahil sa pag ibig. Ouch!”

Co-stars sina Lianne at Bianca Umali sa Tropang Potchi na children’s show ng GMA na umere noong 2009.

Naging friends ba sila? Until now? Nagba-bonding pa ba sila hanggang ngayon?

“Ah si Bianca, yes po naging close kami noong ‘Tropang Potchi’ days.

“Nakatatawa kapag nakita niyo po ang pictures namin noong bata pa kami. But siyempre, as you get older, mayroon na tayong tinatahak na kanya-kanyang daan. Pero we’re still friends.”

Ano ang masasabi ni Lianne na mula sa Tropang Potchi ay isa na siyang ganap na dalaga at leading lady sa isang mapangahas na teleserye?

“Hindi po madali, kasi matagal ko pong hinintay ang ganitong klaseng role and opportunity. Hindi rin po ito biglang bumagsak sa palad ko, pinaghirapan ko po ito nang sobra sa audition.

“I gave my very best as in 200% best for this.”

Isang Sparkle artist si Lianne; ano ang mga ginagawa niya upang hindi masira ang tiwala sa  kanya ng Sparkle/GMA management?

“I’m doing my best to perform in every scene and project para makita po nila na hindi po sila nagkamali sa ’kin and that I’m worth it po.”