HATAW! D'yaryo ng Bayan hatawtabloid.com
MA at PA
ni Rommel Placente
PINAG-UUSAPAN pa rin hanggang ngayon ang naging pahayag ni Ella Cruz ukol sa history sa mediacon ng pelikulang ginawa niya. Na aniya ay parang tsismis lang ito, na parang pinalalabas niya na walang katotohanan ang history at gawa-gawa lang.
Siyempre, marami ang nag-react, lalo na ang mga educator at historian sa naging pahayag na ito ni Ella. May mga netizen pa na nagsabi na tanga o bobo raw ang young actress dahil hindi niya alam ang pagkakaiba ng history sa tsismis.
Isa sa nag-react kay Ella ay si Manay Lolit Solis. Sa kanilang online show ni Mr. Pooh na Take It! Take It! ay napag-usapan nila si Ella.
Tanong ni Mr. Pooh kay Lolit. “Ano naman masasabi mo kay Ella Cruz? Kilala mo ba si Ella Cruz?”
Sagot ni Lolit, “Alam mo, bilib ako sa utak niya. Imagine mo, isa siyang walang kakuwenta-kuwetang starlet?”
Nang marinig ni Mr. Pooh ang sinabing ito ni Manay Lolit ay tumawa ito ng bongang-bongga, saby sabing,“Grabe.”
Pagpapatuloy ni Manay Lolit, “’Di ba, walang kakwenta-kwentang starlet, na ngayon ay pinag-uusapan na.”
Singit naman Mr. Pooh, “In fairness, pinik-ap ‘yung kanyang statement.”
“Ang galing, ‘di ba? Sinong makakaisip niyon, ‘di ba? Tinalbugan niya talaga lahat?” sabi ni pa Manay Lolit.
Sundot naman ni Mr. Pooh, “Oo! ‘Di ba, talagang may picture siya? Tapos may couch siya roon. Tapos may nakalagay doon, Ella Cruz.”
Pagsang-ayon naman ni Manay Lolit, “Kaya nga, biro mo biglang, tsuk!. Sino siya?”
“’Di ba? Say mo, biglang nag-trending,” sabi naman ni Mr. Pooh.
“At nag-react lahat. Dahil hindi mo akalain na may isa palang bobitang ganito kabobong tao.”
May payo namang ibinigay si Mr. Pooh kay Ella. “Basta Ella Cruz, alamin lang natin, ang history is history. Tsismis is tsismis, magkaiba ‘yun, ‘di ba? Kasi history is based on facts. Okey? Ang tsismis, eto, nagtsistsismisan tayo, magkaiba ‘yun. Hindi natin pwedeng i-enterwine. ‘Yun lang ‘yun. Kaya ka nag-trending. Pero congratulations. Kasi, napag-usapan ka. Trending ka ngayon.”
