HATAW! D'yaryo ng Bayan hatawtabloid.com
ALAM MO NA!
ni Nonie Nicasio
ISANG magarbong event ang nasaksihan namin sa ginanap na grand launching ng Aspire Magazine Philippines. Ito’y pinangunahan ni Aspire Magazine Philippines & Global CEO & president, Ayen Castillo.
Kasama rin dito sina Ann Malig Dizon ( PH consultant and US consultant); Liana Gonzales (CEO of House of Mode Elle); Haye Start, Lyn de Leon, Laiza Hortalezo (consultants); Tom Simbulan (PH director); Franz Johnson Garcia (EIC, Aspire PH); Jolie Navia (COO, Aspire PH); Russel Navia (HMUA Aspire); Klinton Start (Aspire Magazine Ph Cover, King of Aspire Adults); Ysabella Alberto (USA Ambassadress, Queen of Aspire Adults); Princess Lia (Aspire host, Queen of Aspire Teens, Aspire World Ambassador); Rajan Paguio, Jeremy Peter, Gelo Miclat (Aspire Tech Grp, Aspire Royalties); Elizabeth Sarzosa, Samantha Domingo, Anastasia Mitchell, Hannah Navales Althea Tordil, John Joshua Lopez (Aspire Jr. staff).
Cover ng Aspire Magazine Philippines ang tinaguriang Supremo ng Dance Floor na si Klinton Start. Suot niya ang nilikha ng yumaong international designer na si Rocky Gathercole at ni Jorick Limpag.
Agree kami na well-deserved ito para kay Klinton bilang role model siyang matatawag para sa mga kabataan. Masaya kami para sa mabait na bagets dahil bukod dito ay patuloy na gumaganda ang kanyang showbiz career sa pagiging bahagi niya ng seryeng The Broken Marriage Vow.
Kakaiba ang Aspire Magazine Philippines dahil sa kapal at bigat nito na mayroong 604 pahina.
Matagumpay ang nasabing event na nagsimula sa pagrampa ng ilang kids, teen models, at awardees sa pangunguna ni Parañaque District 1 Councilor Jomari Yllana at veteran actress na si Abby Viduya.
Dito’y makikita ang mga binigyan ng break sa modelling, entertainment business at pageant. Kinilala ang mga hair and make-up artists, photographers at designers. Binigyan ng parangal ang mga inspiring personalities, world ambassadors, young inspiring at PH ambassadors at kinoronahan ang Aspire royalties.
