Tuesday , March 11 2025
Canelo Alvarez Dmitry Bivol

Canelo babawian si Bivol sa kanilang rematch

NAGBIGAY na paniniguro si Canelo Alvarez  sa kanyang promoter na si Eddie Hearn na hindi na siya matatalo sa kanilang rematch ni Dmitry Bivol.

Hindi pa rin matanggap sa sarili ng dating four-division world champion Canelo (57-2-2, 39KOs) na tinalo siya ni Bivol sa una nilang paghaharap nung Linggo sa T-Mobile Arena sa Las Vegas.

Winarningan ni Hearn si Canelo na mahirap matalo ng back-to-back laban sa WBA light heavyweight champion Bivol (20-0, 11 KOs) nakakasira kasi ng kompiyansa, pero nagpupumilit talaga ang Mexican fighter na makabawi sa Russian fighter.

Inamin ni Matchroom Boxing promoter na si Hearn na naniniguro lang siya na hindi masisira nang tuluyan ang career ni Canelo kapag natalo siyang muli sa isang fighter na sa tingin niya ay masyadong malaki at mabigat sa kanyang inaalagaang boksingero.

Dagdag pa ni Hearn na maraming malalaking laban si Canelo na puwede niyang harapin na match lang sa timbang at laki katulad nina Gennady Golovkin, Jermall Charlo, at David Benavidez,  isa raw malaking panganib kung ipipilit ng kanyang boxer  na makabawi kay Bivol na isang natural na light heavyweight.

Tingin ni Hearn ay hindi matanggap ni Canelo na natalo siya sa isang nakakahiyang laban na kung saan ay ginulpe siya ng kalaban.   Hindi katulad ang pagkatalong iyon sa naging pagyuko niya kay Floyd Mayweather Jr. nung 2013 na kung saan ay madali niyang nakalimutan dahil kasalukuyang gumagawa pa lang siya ng pangalan.

“He was gutted, devastated, and I said, ‘What do you want to do?’ And he said, ‘I want to rematch Bivol. I know I can beat him,’” sabi ni  Eddie Hearn sa  iFL TV tungkol sa naging pag-uusap nila ni Canelo nung LInggo sa golf course pagkaraang matalo siya kay Bivol.

“‘Obviously, you’ve got to be right because back-to-back defeats for Saul Canelo Alvarez is not a good look.’ ‘No, no, no, I will not lose again,’”  

“People always look for reasons rather than saying, ‘Dmitry Bivol was brilliant.’ He boxed so smart and so disciplined for 12 rounds,” sabi pa ni Hearn.

About hataw tabloid

Check Also

Alan Peter Cayetano FIVB Mens Volleyball

2025 FIVB Men’s Volleyball World Championship  
Cayetano: ‘Spike’ sa ekonomiya ang volleyball hosting ng bansa

MALAKI ang potensyal ng sports tourism para sa ekonomiya ng bansa. Ito ang binigyang-diin ni …

Tour of Luzon 2025

Tour of Luzon 2025 papadyak na sa Abril

NAKAHANDA na ang entablado para muling sumiklab ang kilalang Tour of Luzon sa kalsada ngayong …

Fritz Gaston PSC PAI director Anthony Reyes Roi Dela Cruz TOPS

Sports program mula grassroots hanggang inaasam na Olympics isinusulong ng PSC, PAI

MAGKAAGAPAY ang Philippine Sports Commission (PSC) at Philippine Aquatics, Inc. (PAI) para maisulong ang programa …

PNVF Ramon Tats Suzara Christina Frasco PSC Richard Bachmann

Inter-Agency Task Force Meeting para sa FIVB Men’s World Championship

Ang mga Major updates ukol sa pagho-host ng bansa para sa FIVB Volleyball Men’s World …

Bouffaut, Marcelo kampeon sa National Age Group Duathlon-U15

Bouffaut, Marcelo kampeon sa National Age Group Duathlon-U15

IPINAKITA ni Alaina Bouffaut ang kanyang pinakamahusay na porma upang magreyna sa Under-15 girls category …