Sa Cabanatuan, Nueva Ecija
P.3-M ‘OMADS’ NASAMSAM

NAKOMPISKA ng mga awtoridad ang mahigit P300,000 halaga ng hinihinalang marijuana sa ikinasang anti-illegal drug bust operation ng operating units ng SDEU ng Cabanatuan CPS, buy bust operation sa District 1, Brgy. San Juan Accfa, sa lungsod ng Cabanatuan, lalawigan ng Nueva Ecija.

Nadakip sa naturang operasyon ang suspek na kinilalang si Justine Jay Cruz, alyas Jay-jay, 21 anyos, residente sa Brgy. Mabini Extension, sa nabanggit na lungsod.

Nakompiska mula sa pag-iingat ng suspek ang limang selyadong plastic sachets at tatlong bloke ng hinihinalang marijuana na tinatayang may timbang na 2.5 kilo at may DDB (Dangerous Drug Board) value na P306,600; at P500 bill na marked money.

Kasalukuyang inihahanda ang pagsasampa ng kasong paglabag sa Section 5 at 11, Article II ng RA 9165 o Comprehensive Dangerous Drugs Act of 2002. (MICKA BAUTISTA)