Tita Cristy ibinulgar Nadine nagpaka-trying hard kay James

MA at PA
ni Rommel Placente

SA isang episode ng radio show niyang Cristy Fer Minute, sinabi ni Cristy Fermin na naaawa siya kay Nadine Lustre sa na-experience nito noong sila pa ni James Reid. 

Umabot umano kasi sa punto na naging trying hard si  Nadine dahil sa sobrang pagmamahal kay James, at para makuha ang atensiyon ng ex.

Sa pag-amin ni Nadine na may bago na siyag karelasyon na si Christophe Bariou na isang French, deserve nito na maging masaya, ayon pa sa host ng nasabing radio program.

Sabi ni Cristy, “Masyado siyang ano, 

masyado siyang kawawa. Dapat reciprocal ang pagmamahalan pero siya, iniiwan-iwanan. Nakikisama sa mga barkada, iiwan si Nadine. 

“Si Nadine naman, gagawin lahat ng paraan para lang ma-win back si James. Kawawa, kawawa. 

“It’s about time na lumigaya na si Nadine Lustre dahil mapagmahal din siya at marunong mag-alaga ng kanyang karelasyon, ‘di ba naman?

“Nakakaawa si Nadine ah, kung maririnig mo ‘yung mga kuwento. Nagmumukha siyang TH. Napaka-trying hard.

“Itong ganitong klaseng babae gagawin mong trying hard? May napatunayan na rin naman si Nadine, ‘di ba Nakikipagsabayan din naman siya. Tapos gagawing kawawa niyong lalaki. Ano ‘to? Ano feeling ni James Reid, siya ang pinakagwapong lalaki sa balat ng lupa?

“Pagkatapos ng mahabang panahon na naghiwalay sila, inilagay pa nga niya sa alanganin si Nadine kaya nagkadema-demanda sa Viva, ‘di ba?

“O, pagkatapos niyon, gugustuhin mo pa rin ba ‘yung lalaki na para kang nagmamakaawa, nanlilimos ng pagmamamahal? Natural hindi na.”

Sa mga binitawang salita ni Tita Cristy, ibig lang sabihin nito na may nalalaman siya sa naging relasyon  noon nina Nadine at James, ‘di ba?

Na sa nalaman niyang ‘yun ay parang kawawa naman pala si Nadine sa piling ni James noong sila pa ang magkarelasyon.

Kung makararating naman kay James ang mga naging pahayag ni Tita Cristy, ano naman kaya ang kanyang magiging reaksiyon?