Yeng dinamayan ng mga kapwa artista sa pagpanaw ng ina

FACT SHEET
ni Reggee Bonoan

NITONG Linggo ay pumanaw ang mama ng Pop Rock Princess na si Yeng Constantino, si Gng. Susan Constantino.

“Paalam Mama,” ito ang caption ni Yeng sa larawan nilang tatlo kasama ang ina at amang si G. Lito Constantino.

Tinanong namin ang handler ni Yeng sa Cornerstone Entertainment kung ano ang sanhi ng pagkamatay ng ina ng singer/songwriter pero hindi kami sinagot.

Kulang 3k ang mga nabasa naming nakikiramay kay Yeng at sa pamilya niya at umabot sa kulang 100k ang nagbigay ng puso sa post niya.

Ang ilang celebrities na nagpahayag ng pakikidalamhati sa singer ay si @ Chito Miranda, ”Yakap at dasal para sa inyo, Yeng.”

Sinundan ni Angeline Quinto, ”Maraming salamat po Tita sa lahat.”

Close kasi si Angge kay Yeng at kahit wala na siya sa pangangalaga ng Cornerstone ay hindi pa rin nagbago ang tinginan ng dalawa.

Ayon naman kay KZ Tandingan, ”Praying for comfort for the whole family ate!”

“Ate Yeng, condolences. May God comfort you and your family,” mula kaySam Mangubat.

Mula naman sa isa pang Cornerstone talent na si Kyla Alvarez, ”Yenggay (broken heart emoji) sending you my deepest sympathies and condolences. Praying for comfort for you and family.”

Mula naman kay Piolo Pascual, ”Condolence Josephine, prayers.”

Si Jaya, ”Condolences my dear Yeng. God’s s peace be upon you maxene Sending my most sincere condolences to you and your family.”

Mula sa pahayagang HATAW ang aming pakikiramay sa pamilya ni Yeng Constantino – Asuncion.