Zara Lopez, game pa rin sa pagpapa-sexy sa pelikula

ALAM MO NA!
ni Nonie Nicasio

KILALA sa kanyang sexy image ang aktres na si Zara Lopez. Madalas makita sa social media ang former Viva Hot Babe sa kanyang mga nakapag-iinit at nakakikiliting mga larawan.

Kaya nang nakahuntahan namin ang aktres, inusisa namin na sakaling may offer sa kanya na isang quality film pero super daring, tatanggapin ba niya?

Esplika ni Zara, “Definitely I will accept the film, dekalidad na pelikula naman iyon, sino ba naman ako para tumanggi?”

Pahabol na dagdag niya, “This is just work, it’s still a blessing.”

Game man daw siyang magpa-sexy sa pelikula, sinabi ng aktres na hindi niya kayang mag-frontal nudity.

Aniya, “To be honest, mayroon kasi akong daughter to protect… Siguro huwag lang frontal nudity. Kasi, I believe puwede ko naman ma-express iyong sexiness in a different way.”

Ano ang reaction niya na tomodo si Sheree sa pagpapaka-daring sa pelikulang Nerisa?

“I admire Sheree noon pa man, she did a great job! And she knew that I will support her,” matipid na lahad ni Zara.

Kaya rin ba niyang gawin iyon? “I have limitations, sabi ko nga… pero depende pa rin sa kung ano’ng atake ang gustong mangyari ng direktor ko,” deklara ni Zara.