Upgrade pasok sa Popinoy ng TV5

MATABIL
ni John Fontanilla

ISA sa grupong inaabangan tuwing Linggo ng gabi sa TV5 sa Popinoy ay ang Upgrade na kinabibilangan nina Casey Martinez, Rhem Enjavi, Mark Baracael, Ivan Lat, at Armond Bernas.

Ang Popinoy ay tagisan ng galing sa pagkanta, pagsayaw, at pag-perform ng mga grupong nakapasok sa daan-daang nag-auditon para mapabilang sa Top 11 Boys and Girls.

Hindi na baguhang maituturing ang Upgrade among groups na kasali, pero matagal-tagal na ring ‘di nakapagpe-perform ng sama-sama ang grupo simula ng mag-lockdown dahil na rin sa kawalan ng shows.

Pero nang mabalitaan ng mga ito ang audition sa Popinoy, muling nabuo ang grupo at nagdesisyong sumali at ipakita ang kanilang talento.

At kahit ‘di nakatitiyak kung makapapasok,sumali pa rin sila dahil ang mahalaga, muli silang nagkasama-sama at nakapag-perform.

Sana nga ay umpisa ulit ito ng mas marami pang proyektong pagsasamahan ng grupo. Ang mga hurado sa Popinoy ay sina DJ Loonyo, Maja Salvador, at Kayla Rivera with special guest judge. Hosted by Maine Mendoza and Paolo Ballesteros.