Corruption is worse than prostitution. The latter might endanger the morals of an individual, the former invariably endangers the morals of the entire country.
— Austrian satirist Karl Kraus
Pagtanggal ng facemask sa fully vaccinated pag-aaralan. Pagalingan nina health undersecretary Maria Rosario Vergeire, OCTA at WHO. Dapat daw payagan na ang taong bakunado na mag-alis ng facemask. Sabi ng OCTA, dahan-dahanin nang i-relax ang mga Pinoy na nagpapabakuna. At sabi naman ng World Health Organization (WHO) na kahit bakunado na ay kinakailangan pa rin ang pagsusuot ng facemask para makaiwas sa sakit? E kahit pala wala nang CoVid dapat pa rin mag-mask para makaiwas sa ibang sakit? Ayos ‘di ba? Unti-unti na raw dumarami ang nagpapabakuna kaya bumaba ang bilang ng mga kaso ng impeksiyon. Kung totoo iyan, bakit ngayon nasa 8,748 bagong kaso ang tumaas na naman? Pero noong last week, nasa 3k lang ang bilang ng mga kaso, ang baba ‘di ba? Kung marami na ang bakunado, bakit biglang taas? Kasi sabi ng ilang expert sa medisina, kahit bakunado ka puwede ka pa rin mahawa. Useless din pala ang bakuna at mas okay pa ang facemask at face shield. Magpabakuna ka tapos huwag nang magsuot ng mask, mahahawa ka pa rin. Pero kahit hindi ka bakunado, mag-mask ka e ligtas ka. Juan po. — Juan ng Tondo (09094818… 0928 May 30, 2021)
WALA nang kuwenta ang mga balita sa araw-araw sa bakuna. Paulit-ulit ang mga kagaguhan, katarantaduhan at mga kaletsehan ng pagbabakuna. Nakaiinis, nakabubuwisit, nakakukunsumi, nakaha-high blood at nakasisira ng araw. Nakasusuka na kayo sa mga kadramahan ninyo sa bakuna. May nagbebenta pa ng bakuna e ilegal daw. Bakit may legal pa ba sa ginagawa ng taga-gobyerno? Ang magnakaw ba at mangurakot e legal ba? Bakit mga nagnanakaw kay . . . pero hindi kayo makasuhan at makulong. Iyang bentahan ng bakuna saan, paano, at sino promotor n’yan? Mamamayang magsasaka, mangingisda, at mga manggagawa ba? O kayo rin nasa gobyerno? Sa BoC, tiyak ang bagsak at palusot n’yan kung sa ibang bansa manggagaling. May nakulong ba sa mga aso ni PIM sa mga ahensiyang sangkot sa kawalanghiyaan? NBI, PNP—lahat kayo—makisawsaw kayo at mag-imbento ng mapaparatangan ninyo rito. Kung nasa likod ng Malakanyang ang ugat nito, tiyak maglalaho parang bula ang isyu. ‘Di ba DOH DUQWE? Juan po. — Juan ng Tondo (09094818…, 10:19, Wednesday, May 26, 2021)
Hindi po mga magnanakaw ang nasa ating gobyerno at hindi rin po sila corrupt.
Ang totoo po, ang mga opisyal na nasa ating pamahalaan ay mga commissioner at kapitalista.
Hindi nga ba nangungumisyon sila sa lahat ng transaksiyon kaya roon sila nagkakapera? Ito ang kababuyan nila gamit ang pork barrel, procurement ng mga kagamitan at supplies — mula sa toilet paper hanggang sa mga mamahaling computer, sasakyan at marami pang iba, at pagsasagawa ng mga proyekto na para raw sa ikagaganda ng ating bansa.
Maituturing din mga kapitalista ang ating mga lider sa gobyerno dahil namumuhunan sila para pakinabangan sa bandang huli tulad ng mga kaibigan nating negosyante na sa paglagak ng piso ay nais kumita o tumubo ng isang libong piso!
PARA sa inyong komento o suhestiyon, reklamo o kahilingan, magpadala ng mensahe o impormasyon sa email na [email protected] o i-text sa cellphone numbers na 09054292382 para sa Globe at 09391252568 para sa Smart. Salamat po!