Badboy look ni Tom kinakiligan ng netizens

APRUBADO sa netizens ang ipinasilip na new look ni Tom Rodriguez para sa The World Between Us ng GMA.

Bukod kay Tom, tampok din sa serye sina Alden Richards at Jasmine Curtis-Smith. Iikot ang kuwento ng The World Between Us sa isang lalaking may prinsipyo na susubukin ang katatagan matapos siyang pagtaksilan ng mga taong itinuring niyang pamilya.

Kinakiligan naman ng netizens at supporters ni Tom ang tila ‘bad boy’ look ng Kapuso actor para sa serye. ”Ang gwapo! Feeling ko talaga siya ‘yung kontrabida dito. Ang ganda siguro nitong teleserye nila ni Alden Richards. Yehey! magkasama ang 2 kong idol.”

Kasalukuyan nang nasa lock-in taping sina Tom at ibang cast ng The World Between Us matapos ang naganap nilang script reading.

COOL JOE!
ni Joe Barrameda